Yeni UEFA reytinqi: Ən yaxşı nəticə "Qarabağ"da
Paylaş:
UEFA klubların yeni reytinq siyahısını açıqlayıb.
Çempionlar Liqasının 1/4 final mərhələsinin ilk oyunlarından sonra bəzi komandaların xal hesabında cüzi dəyişikliklər olub.
Siyahıya “Real” başçılıq edir. Madrid klubuna 1:2 hesabı ilə məğlub olan “Bavariya” 2-ci pillədədi. İspaniyanın digər iki təmsilçisi “Barselona” 3-cü, “Atletiko” 4-cüdü. "Yuventus" isə 5-ci pillədə qərarlaşıb.
Qitənin ali futbol qurumu siyahıya 453 klubun adını daxil edib ki, onların arasında 7 təmsilçimiz də var.
Ən yaxşı göstərici “Qarabağ”a məxsusdur. Ağdamlılar 18.050 xalla 106-cı sırada qərarlaşıb.
9.800 reytinq xalına sahib “Neftçi” 162, 7.800 xalı olan “Qəbələ” 185, 6.050 xalla “İnter” isə 229-cu sırada yer alıb.
277-ci pillədə məskunlaşan “Xəzər Lənkəran”ın 4.550, 289-cu “Kəpəz”in 4.050, 307-ci “Bakı”nın isə 3.800 reytinq xalı var.
| Paylaş: