Qətər Futbol Assosiasiyası AFFA-nı aldadır
Paylaş:
Azərbaycan millisinin Qətərlə yoldaşlıq oyunundan bir neçə gün keçməsinə baxmayaraq, qarşılaşmanın videogörüntüləri hələ də yayılmayıb.
Buna səbəb Qətər Futbol Assosiasiyasının matçın videosunu AFFA-ya təqdim etməməsidi. Qurumun İnformasiya və İctimaiyyətlə Əlaqələr Departamentinin rəhbəri Mikayıl nərimanoğlu bu ölkənin federasiyasının hər dəfə yalan vədlər verdiyini söylədi:
“Biz də gözləyirik. Qətər Futbol Assosiasiyası hər dəfə bizi aldadır. Tez-tez əlaqə saxlasaq da, videonu göndərəcəklərini deyib yubadırlar. Ona görə də dəqiq nəsə açıqlaya bilmirik”.
Qətər - Azərbaycan yoldaşlıq görüşü martın 9-da Doha şəhərində keçirilib və millimizin 2:1 hesablı qələbəsi ilə başa çadıb.
| Paylaş: