.png)
Çiprian Tatarşanu: "Bu cür müqayisə doğru deyil"
Paylaş:
Avropa Liqasının qrup mərhələsində sabah “Qarabağ”ın qonağı olacaq “Fiorentina”nın qapıçısı Kiprian Tataruşanu oyunöncəsi mətbuat konfransında fikirlərini bildirib.
Qapıçı oyunla bağlı bunları deyib:
"Bizim heç bir komandadan qorxumuz yoxdu. “Qarabağ” güclü rəqibdi. Sabah hər iki komanda üçün çətin oyun olacaq. Biz hər oyuna qələbə üçün çıxırıq".
- Hər oyuna qələbə üçün çıxdığınızı dediz. Bəs PAOK-la oyuna nə üçün çıxmışdız?
- Əlbəttə, həmin oyuna da qələbə üçün çıxmışdıq. Yetərincə də qol imkanımız oldu. Ancaq rəqib əldə etdiyini az fürsətdən məharətlə yararlandı. PAOK yaxşı komandadı.
- Komanda indi necə vəziyyətdədi?
- İndi əla vəziyyətdəyik. Avropa Liqasında liderik.
- Bakı səfəri komandanın hansı planlarını pozdu? Komanda demək olar, növbəti mərhələyə vəsiqəni təmin edib...
- Fikrimcə, heç nə itirmədik.
- Bura gəlməmişdən öncə PAOK-a uduzmusuz. “Qarabağ” isə bu komandanı hər iki oyunda üstələyib. Bu sizi qorxutmur ki?
- Təbii ki, yox. Futbolda bu cür müqayisə düzgün deyil. Biz “Qarabağ”a ilk oyunda böyük hesabla qalib gəlmişik. Sabah da bu komandaya qarşı oynayacağıq. (Komanda.az)
| Paylaş:
.png)
