“Neftçi” barəsində tezbazar: ...onda "Böyükağanı çağırarsız.." (YAZI)
Paylaş:
3 il dalbadal çempion olan “Neftçi” üçün bu mövsüm yaxşı getmir. Çempionatda mövqeyini əldən verə-verə gedən “ağ-qaralar”ın ümidi yalnız ölkə kubokunadı.
½-dəki rəqibsə “Rəvan”dı. Qəribədi...
Nəyi qəribədi? Niyə qəribə olur? Futbol elə qəribəliklər oyunudur...
Qəribə odur ki, “Rəvan” yarımfinalın ilk oyununda 1:1 eləməklə təəccübləndirib. Autsayderlər cavab matçında daha istəkli, atəşli, yanğılı çıxacaqlar və mümkündü ki...
Əgər “Neftçi” mərhələni əldən versə, onda, gərək, “...çağır, gəlsin Böyükağa...”
*** *** ***
Sadıq Sadıqovun rəhbərliyi ilə qazanılan uğurların nüfuzu, önəmi, dadı, sanı uçub gedəcək. Cavidlərimiz, arazlarımız, elşənlərimiz – miz.. miz.. mızz cızz... Köklü, əsaslı, sabit, akademik, səmimi, şəffaf, islahatcıl, məhsuldar qoyulmayan işin bünövrəsi köpüklü nitqlə "doldurulmağa" məhkumdur...
ARDNŞ-dən ayrılan pulların Azərbaycan futboluna “Neftçi” adı altında verdiyi faydaları və ya əksini üzə çıxarmaq üçün işin içini qurdalamaq, eşələmək dəbə minəcək.
“Ağ-qara” günlər başlayacaq... Sadıqovun qalxan reytinqi, formalaşdırılan incə nüfuzunun zədələnməsi üçün "münbit şərait" yaranacaq...
Oyunqabağı neqativlər toplusu yazmaqda pis məqsədi güdməməyimiz aydın olmalıdır sizə; məqsəd klubu oyatmaqdır...
Elçin CƏLİLOV
| Paylaş: