.png)
"Avropa çempionatına tam heyətlə gedəcəyik" - Elnur Məmmədli
Paylaş:
Xorvatiyanın paytaxtı Zaqrebdə keçiriləcək Avropa çempionatında iştirak edəcək Azərbaycanın cüdo millisi növbəti məşqinə çıxıb.
Futbolpress.az xəbər verir ki, məşqdən sonra Azərbaycan Cüdo Federasiyasının vitse-prezidenti Elnur Məmmədli yığmanın Avropa çempionatına hazırlığı barədə jurnalistlərə açıqlama verib.
O, komanda daxilində ab-havanın yaxşı olduğunu bildirib:
"Hazırda komandada ab-hava yaxşıdır. Avropa çempionatına tam heyətlə gedəcəyik. Komandamız ötən qitə çempionatında 2 "qızıl" qazanıb. Hidayət Heydərov və Zelim Kotsoyev reytinqdə yuxarı pillələrdə qərarlaşıblar. Bu yarışda da cüdoçularımızın uğurlu çıxış edəcəyinə inanıram. İndi əsas məqsədimiz Paris-2024 Yay Olimpiya Oyunlarıdır. Lakin bəzi çəki dərəcələrində Olimpiadaya kimin gedəcəyi dəqiqləşməyib".
Avropa çempionatı aprelin 25-27-də Xorvatiyanın paytaxtı Zaqrebdə keçiriləcək.
| Paylaş:
.png)
