Hardan başlayım...

Әvvәlcә qeyd edim ki, "Qarabağ" Portuqaliya klubu "Braqa"nı mübarizәdәn kәnarlaşdıraraq Avropa Liqasının 1/8 finalına yüksәlib!

Bu nә boyda hadisәdir! Bunun harasından, necә başlayım yazmağa..?

Ağlıma Braqadakı oyunun son dәqiqәsi gәldi.

Әvәzetmәdәn meydana girәn 19 yaşlı Nәriman Axundzadә müdafiәçini aldadıb qapıçıyla tәkbәtәk qalsa da, topu qapıdan keçirә bilmir.

Qarşılaşmanın final fiti... Nәriman sarsılmış halda yerә çöküb ağlayır.

4:2 hesablı qәlәbә qazansa da, "Qarabağ"ın mәrhәlә adlayacağına inanmayanlar da az deyil - onları da çox yaxşı başa düşmәk olar...

Oyunsonrası mәtbuat konfransında Qurbanov deyir ki, bәzәn qol vurmamaq qol vurmaqdan daha çox böyüdәr...

Cәmi bir hәftә sonra bu möhtәşәm dәstәyin, motivasiyanın böyütdüyü Nәriman son dәqiqәlәrdә komandanı 1/8 finala daşıyan qolu vurur...

Orda Nәriman kәdәrdәn ağlamışdı, burda isә Qurban Qurbanov sevincdәn, qürurdan.

Bu simvolik/mistik gedişat hәm "Qarabağ"ın dünәn gecәki oyununun, hәm ümumilikdә taleyinin hekayәsi hesab oluna bilәr.

Bolqar hakim bәzi mәqamlarda reaksiyalarıyla tәcrübәli vә peşәkar hakim olduğunu ustalıqla göstәrdi, lakin Elvin Cәfәrquliyevә ilk zәruri olmayan "sarı"sından bir neçә dәqiqә sonra ikinci "sarı"sı onun "niyyәti"ni büruzә verdi.

Hec vaxt Qurban Qurbanovu avrokubok oyunlarında kart alacaq hәddә aqressiv görmәmişdik, kömәkçisi, "sağ әli" Elçin Rәhmanovun belә "qırmızı" alacağı dәrәcәdә emosional piki yaşadan, oyunda hamılıqla DÖYÜŞӘN "Qarabağ" istәyinә çatdı...

Bu mәqamda bu bәnzәtmә yerinә düşәr - Azәrbaycan futbolunun Herodotu! - Tarixi ilk o yazdı, Azәrbaycan futbolunun tarixinә isә İLKLӘRİ Qurbanov yaz(ır)dı!

Qürur, fәxarәt hissi yaşadan peşәkarlığın, intizamın tәntәnәsi!

Elçin Cəlilov