"Zirә"nin "Araz Naxçıvan"a mәğlubiyyәtini (0:1) әn dәqiq şәkildә baş mәşqçi Rәşad Sadıqov ifadә edib. Hücumçu qıtlığı vә oyun quruculuğunu öhdәsinә götürәcәk keyfiyyәtdә birinin olmaması.

Sadıqov hücum xәtti barәdә bundan әvvәl dә hәyәcan tәbili çalmışdı, lakin oyunqurucusu, komandanın liderinin yoxluğu mәsәlәsi yeni deyil.

Tәk Paxtmanın ümidinә qalmaq  "Zirә"nin öz günahıdır. 8 turun yekununda lider olan komandanın bombardirlәr  siyasının ilk "10-luğ"unda tәmsilçisi yoxdur...

"Araz Naxçıvan"a mәğlubiyyәt komanda quruculuğu prosesindә buraxılan boşluğun nәticәsi idi.

Oyun planı vә gedişat "qartallar"ın daha hazırlıqlı olduğunu büruzә verirdi, lakin kәsәrli hücumdan söhbәt gedә bilmәzdi. Әvәzindә cinah reydlәrini sevәn Azәr Bağırovun komandası mövsümün әn yaxşı müdafiә olunan komandasının әzmini qıra bildi...

Potensialın maksimumunu "sıxıb çıxardan" Sadıqov әlindәki imkanlarla turnir cәdvәlinin zirvәsinә qalxmağın formulunu tapa bilib, lakin orda duruş gәtirmәk üçün balanslaşmış heyәt qurmaq gәrәk idi...

"Qarabağ" sıraya dönüb, elә "Zirә" kimi әn az qol vuran "Neftçi" dә yüksәlişin anonsunu verir. "Sәbail" vә muxtar respublika tәmsilçisinin heyәt baxımından "Zirә"dәn daha imkanlı olduğunu nәzәrә alsaq, gedişat yaxşı gәlәcәk vәd etmir.

Tәxirәsalınmaz tәdbirlәr gәrәkdir.

"FutbolPress"