"Neftçi"ni nә qurtara bilәr?
Paylaş:
"Zirә"nin bütün nәticәlәrini 0 vә 1-lәrdәn ibarәt olduğunu ("Sәbail"lә oyunu (2:1) çıxmaqla) qeyd etmişdik.
Maraqlıdır ki, "Qәbәlә" qarşılaşmasını çıxmaqla "Neftçi"nin dә nәticәlәri 0 vә 1-lәrdәn ibarәtdir:
I TUR "Kəpəz" - "Neftçi" 1:0.
II TUR "Neftçi" - "Səbail" 1:1
III TUR "Sabah" - "Neftçi" 1:1
IV TUR "Neftçi" - "Qəbələ" 2:0
V TUR "Sumqayıt" - "Neftçi" 0:1
VI TUR "Araz Naxçıvan" - "Neftçi" 1:0
VII TUR "Zirə" - "Neftçi" 1:1
"Qeyri-sәlis mәntiq" nәticәsindә "Zirә" 1-ci, "Neftçi" isә 6-cı pillәdә qәrarlaşıb.
***
Zarafat bir yana, 7 tura cәmi 9 xal vә 6-cı yer "Neftçi" adına әn bәdbin proqnozlardan olardı...
2 mәğlubiyyәt vә 3 heç-heçәyә "Sumqayıt"a qarşı 1:0 hesablı qәlәbәni şans әsәri qazanılmasını da әlavә etsәk, "ağ-qaralar" üçün kritik situasiya diaqnozunu qoymaq olar.
Bәs bu situasiyadan çıxış yolu/ideyası görünürmü?
Baş mәşqçi Adrian Mutunun Zirә sәfәrindәn sonra dediklәri artıq әsәblәrin tarıma çәkildiyini göstәrir. O, oyunu deyil, yan detalları müzakirәyə çıxarmaqla aqoniyaya düçar olduğunu göstәrdi.
Növbәti oyun isә 2-ci pillәdә qәrarlaşmış "Turan Tovuz"la olacaq. Bu sәfәrin dә ağır keçәcәyini nәzәrә alsaq, gәrgin Mutunun komandanı necә köklәyәcәyi sual doğrurur. Üstәlik, ondan sonra lap ağır sınaq var - "Qarabağ".
Nә psixoloji ab-hava yerindәdir, nә afişa ümid verir. Komandanın "sükanında" isә baş mәşqçi tәcrübәsi böyük olmayan biri...
Ritorik sual: "Neftçi"ni nә qurtara bilәr?
Elçin Cəlilov
| Paylaş: