Ötәn mövsümkü nәticәsi, Konfrans Liqasındakı başlanğıcı "Sabah"ı diqqәt mәrkәzinә gәtirmişdi. "Bayquşlar"ı  Azәrbaycan futbolunun yeni favoriti hesab edәnlәr dә var idi. Amma...

Hazırda Azәrbaycan Premyer Liqasının 2023/24 mövsümünün 6-cı turudur vә "Sabah" 8-ci pillәdә qәrarlaşıb. Heç yaraşmır.

Vә "futuristlәr" KL-da "Partizan"la Belqraddakı oyundan sonra özünә gәlә bilmir.

Ehtiyatda hәlә bir oyun ("Sumqayıt") olsa da, istәnilәn halda, 5 oyuna 4 xal çox azdır. Belә mәqamda baş mәşqçi nә deyir: "Azarkeşlәrә hәr hansı bir söz verә bilmәrik. Beynimizdә çox dәyişikliklәr etmәliyik vә vәziyyәtdәn çıxış yolunu tapmalıyıq".

Burda bir soyuqqanlı fikir varsa da, ümumәn pessimist әhval özünü büruzә verir.

"Meydanda bir komanda var idi - "Qarabağ". Bu fikri etiraf edәn baş mәşqçi özünәinam hissini itirmәyibsә, iddia motivli açıqlama olduğunu düşünmәk olar, әksidirsә, onda Murad Musayevin özünün dә psixoloji mәngәnәdәn çıxmasına/çıxarılmasına ehtiyac var.

Fiziki baxımdan axsaqlıq qismәn görünür, lakin "Sabah"ın daha çox optimallaşma sarıdan tamamlanmaması problemlәr yaradır. Yeni son transferlәr - Belfodil vә Sekidika da sıralara qoşulsun, görәk ikinci dövrәyә fәrqli başlanğıc mümkün olurmu... Hәrçәnd, milli komandanın oyunlarına görә yaranan fasilә bәrpa vә yenidәnqurma üçün yaxşı imkan idi...

*

Keytanın qolu  "Sabah"ın necә pis müdafiә olunduğunu aşkar göstәrdi.

Bir dә mәşhur şablon - xәtlәrarası әlaqә yaxşı vәziyyәtdә deyil.

Bu gedişlә "futuristlәr" "bayquş" kimi mövsümboyu bәdliklәrlә tez-tez rastlaşacaq.

Murad Musayev Kaşuk vә Mikelsin gedişindәn sonra "icad"  kasadlığı yaşayır...

Elçin Cəlilov