"Neftçi" Avropa Liqasının qrup mәrhәlәsinә düşmәklә bir ilki gerçәklәşdirmişdi. "Qәbәlә"nin özünәmәxsus ilki: dörd tәsnifat mәrhәlәsi keçmәklә AL-in qrupuna düşmüşdü vә bunu ardıcıl iki il reallaşdırmışdı.

Bu mövzuda әn böyük/әlçatmaz ilk "Qarabağ"a aiddir - 9 dәfә avrokubokların qrup etapına yüksәlmәk, Çempionlar Liqasının qrupunda oynamaq vә s.

Növbәti avrokubok qrupu sakinliyinә namizәd var - "Sabah".

"Bayquşlar"ın da bu mәnada artıq öz töhfәsi görünür. İlk dәfədir ki, bir klubumuz hәm yaxşı komandadır, hәm yaxşı klub, hәm dә uğurlu PR olunur.

Qarışıq vә çoxklublu Bakı aqlomerasiyasında fәrqlәnmәk, özünәmәxsusluq yaratmaq heç dә asan iş deyildi. "Futuristlәr"in uzaqgörәnliyi bu mәsәlәdә hәlledici rol oynadı. Stadionun yerlәşdiyi Masazır qәsәbәsi vә onun daxil olduğu, şәhәr statusu almış Xırdalanı özünә cәlb etmәk üçün atılan addımlar maraqlıdır. Markalaşmaq vә brendinq ideyalarının reallaşdırılması bu klubun özünәmәxsus imicini cızdı...

Yeni bir ilki salamlamaq olar artıq. Çox söz deyil, yaxından izlәmәyi tәklif edirik. Söhbәtin nәdәn getdiyinә agah olmanızı istәyirik. Çünki maraqlı gedişata doğru yol açılır...

Elçin Cәlilov