"Qətərdə özümüzü göstərə bilmədik”
Paylaş:
Belçika millisinin futbolçusu Kevin de Bruyne yığmanın Qətərdə təşkil olunan dünya çempionatındakı çıxışını dəyərləndirib.
Futbolpress.az xəbər verir ki, yarımmüdafiəçi məyusedici turnir keçirdiklərini deyib:
“Yaxşı oynamadıq. Məyusedici yarış oldu. Bundan əvvəlki turnirlərdə uğurlu çıxış etsək də, Qətərdə özümüzü göstərə bilmədik”.
Belçika yığması F qrupunda Mərakeş, Xorvatiya və Kanada ilə mübarizə aparıb. “Qırmızı şeytanlar” 4 xalla 3-cü pillədə yer alıb və qrupdan çıxa bilməyib.
Dünya çempionatını Argentina millisi qazanıb.
Kamil Əhməd, Futbolpress.az
| Paylaş: