"Qəbələ"dən qolsuz heç-heçə
Paylaş:
“Qəbələ”nin əvəzedicilərdən ibarət komandası 2017-2018-ci illər mövsümünün ikinci yarısının hazırlıqlarını davam etdirir. Bu gün “qırmızı-qaralar” növbəti yoxlama oyununu keçirib.
Qəbələdəki hazırlıqları başa vurduqdan sonra paytaxta yollanan Emin İmaməliyevin baş məşqçisi olduğu komanda “Şüvəlan”la görüşüb. I Divizion təmsilçisi ilə matç Bakıdakı “AZAL Arena”da baş tutub. Qarşılaşma qolsuz sülhlə nəticələnib – 0:0.
Matçdan sonra birgünlük istirahətə buraxılan əvəzedicilər məşqlərini yanvarın 20-də bərpa edəcək. Ayın 21-də komanda daha bir yoxlama matçı keçirəcək. "Qəbələ" “Keşlə”nin əvəzediciləri ilə qarşılaşacaq.
“Qırmızı-qaralar” Qəbələdə baş tutan ilk yoxlama oyununda “Ağsu” ilə qarşılaşıb. Həmin görüşdə I Divizion təmsilçisi 2:1 hesabı ilə qalib gəlib.
| Paylaş: