"Qarabağ"a çatmağımız realdı" - Asif Məmmədov
Paylaş:
Topaz Premyer Liqasında XIII turun "Kəpəz" - "Qəbələ" (1:6) oyunundan sonra qonaq komandanın futbolçusu Asif Məmmədov jurnalistlərin suallarını cavablandırdı...
- Matçla bağlı fikirlərin...
- Gəncədə oyunlarımız hər zaman ağır keçib. Bu stadiondan xal almaq çətin idi. Ona görə də çox ciddi hazırlaşmışdıq. Bu hazırlıq öz bəhrəsini vedi.
- Hesabın belə böyük olacağını gözləyirdiz?
- Sözün açığı, belə hesab gözləmirdik. Qalib gələcəyimizə inanırdıq, amma bu nəticə bizi də təəccübləndirdi.
- Birinci dövrədə "Kəpəz"ə 2:0 uduzmuşduz. Bu necə olmuşdu?
- Futboldu, nə olacağını əvvəldən demək çətindir. Həmin vaxt oyunumuz alınmamışdı. Bəlkə də meydana çox rahat çıxdığımız üçün elə olmuşdu.
- Gəncə stadionunun köhnə halı olsaydı, oyun daha çətin olarımı?
- Məncə hə. Hazırkı meydança sözün əsl mənasında ən yaxşılardan biridi.
- Səncə, "Qarabağ" a çatmaq real görünür?
- Əlbəttə ki, realdı. Buna az qalıb. Ancaq əvvəlcə "Zirə"ni keçməliyik. Hələ qarşıda 15 oyun var.
- "Zirə" - "Qarabağ" oyununda hansı nəticəni arzulayardın...
- Biz digər oyunlara baxmırıq. İstərdik ki, "Qəbələ"yə sərf edən nəticə qeydə alınsın.
| Paylaş: