"Kəpəz" - "Qəbələ": 18-ci duel
Paylaş:
Bu gün Topaz Premyer Liqasında XIII tura start veriləcək. Turun ilk qarşılaşması Gəncədə keçiriləcək. “Qəbələ” səfərdə “Kəpəz”in qonağı olacaq.
Bu qarşılaşma rəqiblərin 18-ci dueli olacaq. İndiyədək yalnız Premyer Liqa çərçivəsində üz-üzə gələn komandalar 17 dəfə görüşüb. İlk dəfə 2011/12 mövsümündə qarşılaşan rəqiblərin əvvəlki duellərində “Qəbələ” və “Kəpəz” hərəyə 6 dəfə qələbə qazanıb. Digər 5 matçda qalib müəyyənləşməyib. Top fərqində minimal üstünlük Gəncə klubunun tərəfindədir - 16:15.
Hər iki komanda öz meydanındakı görüşlərdə daha yaxşı nəticələr qazanıb. “Qəbələ” səfərdə 1 dəfə qalib gəlibsə, 3 dəfə bərabərliklə kifayətlənib və
4 dəfə meydanı xalsız tərk edib. Rəqib meydanında 4 qolu olan "Qəbələ" öz qapısından 10 top buraxıb.
| Paylaş: