"Bakcell Arena"da qazon problemi: "Neftçi" PFL-ə müraciət etdi
Paylaş:
“Neftçi” Peşəkar Futbol Liqasına müraciət edib. Klub ev oyunlarını keçirdiyi “Bakcell Arena” stadionunun qazonunda yenilənmə işləri aparıldığını rəhbər tutaraq Topaz Premyer Liqasının VIII turunun “Neftçi” – “Səbail” görüşünün yerinin dəyişdirilməsini istəyib.
“Neftçi”nin müraciətini və “Səbail”inn razılıq məktubunu nəzərə alan PFL aşağıdakı qərarları qəbul edib.
Topaz Premyer Liqasının VIII turunun “Neftçi” – “Səbail” matçı 15 oktyabr 2017-ci il tarixdə “Dalğa Arena” stadionunda keçirilsin.
VIII turda meydan sahibi “Səbail” klubu, hər iki klubun iştirakı ilə üçüncü dövrənin matçında meydan sahibi kimi “Neftçi” klubu təsdiq edilsin. (PFL)
| Paylaş: