.png)
Fərid "Slaviya"nın qələbəsində pay sahibi oldu
Paylaş:
Azərbaycanlı futbolçu Fərid Nəbiyev Çexiyanın “Slaviya” klubunda növbəti matçına çıxıb.
Futbolinfo.az xəbər verir ki, o, bu dəfə klubun U-19 komandasının yarışdığı ölkə birinciliyində forma geyinib. 19 yaşlıların çempionatında 6-cı tur çərçivəsində doğma meydanda “Banik Ostrava” ilə qarşılaşan Praqa təmsilçisi 1:0 hesabıyla qalib gəlib.
Fərid start heyətdə meydana çıxıb və sonadək oynayıb. Komandasının yeganə qolunun ötürməsini də 85-ci dəqiqədə Fərid verib.
Fərid daha öncə “Slaviya”nın U-21 komandası ilə oyuna çıxsa da, sözügedən kollektivin bu gün səfərdə “Dukla” üzərində qazandığı 6:1 hesablı qələbənin iştirakçısı olmayıb.
| Paylaş:
.png)
