"Tarix yazmaq üçün vacib addım atdıq" - Almeyda
Paylaş:
Çempionlar Liqasının pley-off mərhələsinin ilk oyunları çərçivəsində keçirilən "Qarabağ" - "Kopenhagen" matçından (1:0) sonra Ağdam klubunun futbolçusu Riçard Almeyda jurnalistlərin suallarını cavablandırıb:
- Oyun barədə fikirləriniz...
- Qarşıda hələ 90 dəqiqə də var. Bu səbəbdən arxayınlaşmaq olmaz. "Kopenhagen" çətin komandadır. Tarix yazmaq üçün vacib addım atdıq. Amma işimizi bitirməmişik.
- Bu gün böyük üstünlüyünüz var idi. Səfər oyununda “Qarabağ” nədən ehtiyatlanmalıdı?
- Rəqibdən aşkar üstün olduğumuzu demək çətindir. Bu, Çempionlar Liqasıdır. Burada zəif komanda yoxdu.
- Premyer Liqa oyunlarında emosional olsan da, avrokuboklarda fərqlisən...
- Siz belə düşünürsünüz? Məncə, oyunlarımı daha diqqətlə izləyin
| Paylaş: