Elnur Cəfərov: "Öz səhvlərimiz hər şeyi alt-üst etdi"
Paylaş:
Topaz Premyer Liqasının ilk oyununda “Qarabağ”a 1:3 hesabı ilə məğlub olan “Neftçi”nin futbolçusu Elnur Cəfərov matçdan sonra jurnalistlərin suallarını cavablandırıb.
O, əvvəlcə matç barədə fikirlərini bildirib:
"İlk oyun idi deyə hər iki komanda qələbə qazanmaq istəyirdi. Adi səhvlərdən qollar buraxdıq. Belə oyunda uğur qazana bilərdik, amma alınmadı".
- “Neftçi”də komanda oyunu gprünmürdü...
- Yaxşı heyətimiz var, sadəcə öz oyunumuzu meydanda göstərə bilmədik. Qarşıdakı matçlarda bunu nümayiş etdirəcəyik.
- Oyunun alınmamasına səbəb nə idi?
- “Qarabağ” çox güclüdü. Amma tək bu deyil. Öz səhvlərimiz hər şeyi alt-üst etdi. Qələbə qazana bilərdik.
- Çatışmazlıqların aradan qaldırılması üçün nə qədər vaxt lazımdı?
- Səhvlərimizdən nəticə çıxarmalıyıq. Bunu etsək, gələcək oyunlarda bəhrəsini görəcəyik.
- “Xəzər Lənkəran”ın yetirməsi kimi özünüzü “Neftçi”də necə hiss edirsiniz?
- Peşəkar futbolçuyam və meydana çıxıb oyunumu göstərirəm. Hansı komandanın olmasının fərqi yoxdu. Komandamın uğur qazanması üçün çalışıram.
- Azarkeşlərdən narazılıqlar var...
- Sosial şəbəkələrdən xəbərim yoxdu. Belə şeylərə əhəmiyyət vermirəm. Futboldan başı çıxmayanlardı.
- “Neftçi” bu oyunla ilk "3-lüy"ə düşə bilər?
- Əsas məqsədimiz budu. Əlimizdən gələni edəcəyik ki, yekunda mükafatçılar sırasına düşək.
| Paylaş: