Baqali Dabo: "Bakıda vəziyyəti xeyrimizə dəyişə bilərik"
Paylaş:
"Qəbələ"nin futbolçusu Baqali Dabo Avropa Liqasının III təsnifat mərhələsinin ilk oyununda səfərdə "Panatinaikos"a uduzduqları matçdan (0:1) sonra açıqlama verib.
Yunanıstan mətbuatına danışan futbolçu nəticəni yaxşı sayıb:
"Panatinaikos" çox yaxşı komandadı. Bizim üçün çox çətin oyun oldu. Rəqib ikinci, hətta üçüncü qolu da vura bilərdi. Bu, olmayıbsa, qapıçmıza təşəkkür etməliyik. Düşünürəm ki, 0:1 hesablı məğlubiyyət bizim üçün yaxşı nəticədir. İnanıram ki, cavab oyununda vəziyyəti öz xeyrimizə dəyişə biləcəyik. Növbəti mərhələyə adlamaq üçün əlimizdən gələnin ən yaxşısını etməyə çalışacağıq".
Tərəflər arasında cavab qarşılaşması avqustun 3-də Bakıda keçiriləcək.
| Paylaş: