"Qəbələ"nin çoxlu transfer etməsi o demək deyil ki, komanda güclənib"
Paylaş:
Avropa Liqasının II təsnifat mərhələsində "Qəbələ" ilə qarşılaşacaq "Yagelloniya"nın baş məşqçisi İreniuş Mamrot açıqlama verib. O, klubun rəsmi saytına açıqlamasında "Qəbələ" ilə görüşlərdən danışıb.
Mamrot "Qəbələ"ni yaxşı təhlil etdiklərini söyləyib: "Rəqibin Kiyev "Dinamo"su və "Ludoqorets"lə yoxlama oyunlarının videoyazısına baxmışam. Əlbəttə ki, güclü komandadır. Ancaq biz onların zəif cəhətlərindən istifadə etməyə çalışacağıq".
Mütəxəssis "qırmızı-qaralar"ın çoxlu transferlər etməsinin hələ komandanın güclənməsi demək olmadığını deyib:
"Qəbələ"ni tanıyırıq. Böyük büdcəyə və yaxşı heyətə sahib klubdur. Komanda fasiləsində 9 oyunçu transfer edib. Ancaq bu o demək deyil ki, onlar komanda gücləndiriblər. Çünki yeni futbolçulara kollektivə uyğunlaşmaq üçün vaxt lazım olacaq".
Baş məşqçi "Qəbələ"nin yeni transferlərinin hamısının start heyətində meydana çıxmasını arzulayır: "Yeni oyunçuların hamısının start heyətində meydana çıxması lehimizə olardı. Çünki çox az müddət bir yerdə olublar və kollektivin formalaşması vaxt tələb edir. Bu da bizə əlavə şans yaradır”.
| Paylaş: