Vüqar Əsgərov Latviyada het-trik etdi
Paylaş:
Latviya I Liqasında 10-cu turun oyunları keçirilir. Azərbaycanlı futbolçu Vüqar Əsgərovun formasını geyindiyi "Olayne" səfərdə "Smiltene" ilə qarşılaşıb və bu oyundan qələbə ilə ayrılıb - 4:0.
Start heyətdə meydana çıxan Vüqar sonadək oynayıb. Komandasının qələbəsində onun xüsusi payı olub. 31-ci dəqiqədə hesabı açan Əsgərov 41 və 65-ci dəqiqələrdə daha iki dəfə fərqlənərək het-trikini də rəsmiləşdirib.
Bu, onun cari mövsümdə vurduğu 8-ci qoldu. "Olayne" 10 turdan sonra 17 xalla 14 komanda arasında 3-cü pillədə qərarlaşıb və ehtiyatda bir oyunu var.
| Paylaş: