Toğrul Əsgərova şok cəza - dopinq tapıldı
Paylaş:
Azərbaycanın sərbəst güləş üzrə olimpiya çempionu Toğrul Əsgərov bir il müddətinə bütün yarışlardan kənarlaşdırılıb. Buna səbəb onun dopinqdən istifadə etməsi olub.
Götürülmüş dopinq-testin nəticələrinə əsasən güləşçinin orqanizmindən higenamin preparatı tapılıb. Bu dərman isə Ümumdünya Antidopinq Agentliyi tərəfindən qadağan olunub.
Bununla da, 25 yaşlı idmançı 17 aprel 2018-ci ilədək diskvalifikasiya olunub.
Siyahıya Əsgərovdan başqa daha 3 idmançımızın adı düşüb. Fail İsgəndərov və Turxan Qurbanov 2 il, Zubair Dibilov 3 il müddətinə yarışlardan kənarlaşdırılıblar.
Toğrul Əsgərov 2012-ci il London Yay Olimpiya Oyunlarında 60 kq çəki dərəcəsində qızıl medal qazanıb.
| Paylaş: