Aprelin 4-də AFFA yanında Media Komitəsinin İdarə Heyətinin növbəti iclası keçirilib. İdarə Heyətinin üzvlərindən Mahir Rüstəmli, Vüqar Zeynalov, İlqar Tağıyev, Elçin Cəlilov və qurumla AFFA arasında əlaqələndirici Firuz Abdullanın iştirak etdiyi iclasda əsasən aprelin 7-nə nəzərdə tutulan seçki ilə bağlı məsələlər müzakirə olunub və qərara alınıb.

1. İdarə Heyətinə seçkidə iştirak etmək istəyənlərin namizədlikləri qeydə alınsın.

Beləliklə, aprelin 7-də AFFA-nın inzibati binasının konfrans zalında keçiriləcək seçkiyə aşağıdakı namizədlər qatılacaqlar:

1. Cəlilov Elçin (futbolpress.az)
2. Cəfərov İbrahim (futbolxeber.az)
3. Əhmədov Araz (sportfm.az)
4. Hacı Kamran (allsport.az)
5. Xeyrullayev Vüqar (apasport.az)
6. Mikayıllı Ruslan (azerisport.az)
7. Rüstəmli Mahir (Futbol+)
8. Tağıyev İlqar (Het-trik news)

2. Səsvermədə iştirak etmək istəyən Media Komitəsi üzvləri aprelin 7-i saat 15:00-dan 15:20-ə kimi qeydiyyatdan keçməlidirlər. Hər mətbu orqandan 1 nümayəndə səsvermədə iştirak edə bilər. Göstərilən vaxtda qeydiyyatdan keçməyənlər səsvermədə iştirak edə bilməyəcəklər. Çıxış etmək istəyən MK üzləri və üzvlüyə namizədliklərini irəli sürmüş saytların nümayəndələri qeydiyyat zamanı bu barədə istəyini qeydiyyatı aparan şəxsə bildirməlidirlər. Çıxış müddəti 1 nəfər üçün maksimum 5 dəqiqə nəzərdə tutulub.

3. Seçki ilə bağlı xəbərin yerləşdirilməsi hər bir MK üzvünə tövsiyə olunur.
İclasda daha sonra mart ayı üçün layihələrin icra durumu ilə bağlı hesabatlar dinlənilib. Bu haqda daha sonra məlumat veriləcək.