"Azərbaycan millisi bizə qarşı 200 faiz güc sərf edəcək" - Özil
Paylaş:
DÇ-2018-in seçmə mərhələsində martın 26-da Azərbaycan millisinin qonağı olacaq Almaniya yığmasının üzvü Mesut Özil açıqlama verib.
Təcrübəli yarımmüdafiəçi zədəsinin ciddi olmadığını və millimizə qarşı oynaya biləcəyini bildirib:
"Özümü yaxşı hiss edirəm. Bakıda meydana çıxmağa hazıram".
Özil Azərbaycan millisinin yaxşı komanda olduğunu, ancaq Bakıya yalnız qələbə üçün gəldiklərini deyib:
"Yeganə məqsədimiz 3 xaldı. Keyfiyyətli komandayıq. Ancaq rəqib də zəif deyil. Onlar 4 oyundan sonra 7 xal toplayıblar. Azərbaycan millisi son dünya çempionuna qarşı sona qədər mübarizə aparacaq. Bizə qarşı 200 faiz güc sərf edəcəklər".
| Paylaş: