.png)
Prosineçki Qətərlə oyun barədə nə zaman danışacaq? (AÇIQLAMA)
Paylaş:
.jpg)
Son vaxtlar Azərbaycan millisinin baş məşqçisi Robert Prosineçkiyə veriləcək suallar çoxdu. Bunlar xüsusilə xorvatiyalı çalışdırıcının yığmaya oyunçu seçiminin müzakirələrə səbəb olması və millinin son yoldaşlıq oyunu - Qətərlə matçla bağlıdı.
Üstündən bir neçə gün keçməsinə baxmayaraq, baş məşqinin həmin oyun barədə nə düşündüyü məlum deyil.
Prosineçkinin mətbuat konfransının keçirilməsinə nə mane olur? Yoxsa ümumiyyətlə, ehtiyac duyulmur?
AFFA-nın İnformasiya və İctimaiyyətlə Əlaqələr Departamentinin rəhbəri Mikayıl Nərimanoğlu “FutbolPress”ə açıqlamasında baş məşqçinin mətbuat konfransının təşkil ediləcəyini bildirdi:
“Bu, planımızda var. Ayın 14-ü, ya da 15-ə düşünürdük. Amma akkreditasiya məsələlərini nəzərə alıb, 15-nin daha məqsədəuyğun olduğunu fikirləşdik. Çünki həmin gün AFFA-nın Hesabat-Seçki Konfransı keçiriləcək. Mətbuat nümayəndələri də orda olacaq. Konfransdan dərhal sonra isə Prosineçki onların suallarını cavablandıracaq”.
Qətər - Azərbaycan yoldaşlıq görüşü martın 9-da Dohada keçirilib və millimizin 2:1 hesablı qələbəsiylə başa çatıb.
| Paylaş:
.png)
.jpg)
