.png)
İqbekoyi: "İnanıram ki, bu il daha yaxşı nəticələr əldə edəcəyik" (MÜSAHİBƏ)
Paylaş:
.jpg)
İlkin Sultanlı
| Paylaş:
.png)
"Zirə"nin yarımmüdafiəçisi Viktor İqbekoyi ilə Premyer Liqanın II turunda səfərdə "Neftçi" üzərində qazanılan qələbədən, komandaya geri dönməyindən danışdıq. Nigeriyalı futbolçu çempionatın növbəti matçında AZAL-a da qalib gəlmək istədiklərini dedi.
"İnanıram ki, bu il daha yaxşı nəticələr əldə edəcəyik"
- "Neftçi"ni 1:0 hesabı ilə məğlub etdiniz...
- Çox yaxşı və çətin oyun oldu. Qalib gəldiyimiz üçün çox xoşbəxtəm.
- Ötən il çempionatda öz meydanınızda 3-4 məğlubiyyətiniz oldu. Bu mövsüm isə Premyer Liqanın ilk turundaca evdə "Sumqayıt"a uduzdunuz.
- İlk tur idi. Komandanın oyunu alınmadı. Qalib gələ də bilərik, uduza da. "Zirə" yaxşı komandadır. İlk oyuna görə mövsümü dəyərləndirə bilmərik.
- Komandada bir sıra dəyişiklər oldu. Əsas qol silahınız Nelson Bonilya və bir neçə futbolçu klubdan ayrıldı. Bu, oyun tərzinizə təsir etməyib ki?
- Komandada yaxşı futbolçular var. Yeni mövsümə uğurlu start vermişik. İnanıram ki, bu il daha yaxşı nəticələr əldə edəcəyik. Oyunçular dəyişilib, rəhbərlik və məşqçilər eynidir.
- Klubun prezidenti də istefa verib.
- Bu barədə eşitmişəm, amma struktur məsələləri haqda heçnə deyə bilmərəm.
- Onun komandadan ayrılması səni narahat etmir ki?
- Xeyr. O, çox əla klub rəhbəri idi. Keçən il mənimlə və digər futbolçularla çox yaxşı rəftar edirdi.
- Ötən mövsümün sonunda komandadan ayrılsan da, yenidən müqavilə imzaladın.
- Mövsüm bitən kimi bir sıra problemlərlə üzləşdim. Bu, ailəmə aid, şəxsi məsələlər idi. Hazırda hər şey qaydasındadır və yenidən komandaya qayıtdım. Onlar məni xoş qarşıladılar və burda olduğuma görə xoşbəxtəm.
- Növbəti həftə AZAL-a qarşılaşacaqsınız. Ardıcıl ikinci qələbənizi qazana biləcəksiniz?
- Gəlin, gələn cüməni gözləyək. Əvvəlcə oyuna hazırlaşmalıyıq. Bu matç "Zirə" üçün çox vacibdir. Ümid edirəm ki, bunu bacaracağıq. Hər matçda qalib gəlməyimizi istəyirəm.
.jpg)
