AZAL-an, çıxılan, fərq... (YAZI)
Paylaş:
Qiş fasiləsindən sonra heç şübhəsiz ki, adından ən çox xoş söz etdirən AZAL-dır. Təlim-məşq toplanışını ölkə daxilində keçən, məsələn, “Qəbələ”, “Qarabağ”, “Sumqayıt” və s. kimi xaricdə toplanış keçib, müxtəlif rəqiblərlə sparrinq sınaq keçirməyən bir heyət kompakt oyunuyla, yaxşı nəticələriylə alqışları əməlli-başlı haqq edir.
Fasilədən sonra, ilk oyunda çempionatın lideri “Qarabağ”a qalibiyyətlə başladılar. Təəccüb yaradan əsas amil qələbələrin pulsuzluq fonunda gəlməsi idi. Payız aylarında xüsusən AZAL-ın məvacibləri ödəyə bilməməsi, komandada ab-havanın pis olması əsas müzakirə mövzusuna çevrilmişdisə, qış fasiləsindən sonrakı mənzərə tam başqa fikirlər yaratmaqdadır.
Qış ulduzuna çevrilən AZAL-ın saldosuna nəzər yetirək:
19-cu tur:
AZAL – “Qarabağ” 1:0
XX
“Kəpəz” – AZAL 2:0
XXI
AZAL - “İnter” 0:0
XXII
“Sumqayıt” – AZAL 2:0
XXIII
AZAL – “Rəvan” 1:0
XXIV
“Xəzər Lənkəran” – AZAL 0:1
XXV
AZAL – “Neftçi” 1:1
XXVI
“Zirə” – AZAL 4:2
XXVII
AZAL – "Qəbələ“ 2:1
XXVII
AZAL – “Kəpəz” 3:0
10 oyundan 5 qələbə, 2 heç-heçə, 3 məğlubiyyət - bu müsbət saldoda baş məşqçi Tərlan Əhmədovun rolu danılmazdır. O, komandanı motivasiya eləməyi mükəmməl bacardığını göstərdi. Bu nəticələr “təyyarəçilər”i Avropa Liqasının biraddımlığınadək çatdırıb. Çünki 2-ci yerdəki “Zirə” və 4-cü pillədki “İnter”in qitəmiqyaslı yarışlarda iştirak edə bilməyəcəyi məlum olandan sonra Şüvəlan təmsilçisinin buna şansı yaranıb. İndi onlar qarşıdakı 8 turda bunaqədərki saldoya nail ola bilsələr, bu mikro möcüzənin öhdəsindən gələ bilərlər.
İndi bu komandanı 5-ci yerdəki “Qəbələ”dən cəmi 2, 4-cü “İnter”dən isə 5 xal ayırır. Son iki oyunda “Qəbələ”ni və “Kəpəz”i udmaqla böyük ruh yüksəkliyi və özünəinam qazanan Əhmədovun “drujinası” bundan sonra nəzər nöqtəsindədir. Qarşıdakı tur – 9 apreldə “İnter” səfəri var. 5-ci turda bu rəqibə 0:1 uduzublar. 13-cü turda da iki cavabsız qolla məğlubiyyət yaşanıb. Ancaq qış fasiləsindən sonrakı yüksəliş özünü “bankirlər”ə qarşı oyunda da göstərib – 0:0.
Gözləyək və izləyək...
Elçin
| Paylaş: