"Real"da şok itki: 84 milyonluq oyunçunun ayağı qırıldı
Paylaş:
İspaniya La Liqasının XVI turundan təxirə salınmış "Real" Madrid -“Sevilya” matçında (2:1) zədələnən Xames Rodriqesin son durumu bəlli olub.
Tibbi müayinədən sonra kolumbiyalı yarımmüdafiəçinin zədəsinin ciddi olduğu bilinib. 24 yaşlı oyunçunun sağ ayağında qırıq aşkarlanıb.
Bu səbəbdən cənubi amerikalının ən azı 2 ay yaşıl meydanlardan kənar qalacağı bildirilir.
Sözügedən görüşün 12-ci dəqiqəsində hesabı açan Xames bundan 15 dəqiqə sonra zədələnərək əvəzlənmək məcburiyyətində qalmışdı.
Xames Rodriqes 2014-cü ilin yayında 84 milyon avro qarşılığında “Monako”dan transfer olunub.
| Paylaş: