Londonda heç-heçə, "Bavariya"dan darmadağın
Paylaş:
Çempionlar Liqasında 1/8 final mərhələsinin daha iki oyunu keçirilib.
Gecənin ən maraqla gözlənilən matçı İngiltərənin paytaxtı Londonda keçirilib. Erkən finalda "Çelsi" və "Barselona" münasibətlərinə aydınlıq gətirib. Oyunda qalib müəyyənləşməyib. Komandalar hərəyə 1 dəfə fərqlənməyə imkan tapıblar.
Digər görüş isə Münhendə keçirilib. Azərbaycanlı azarkeşlərin də yaxından izlədiyi Türkiyənin "Beşiktaş" klubu "Bavariya"nın qonağı olub. Şenol Güneşin komandası çətin səfərdə sərfəli nəticə qazanmağı bacarmayıb. "Bavariya" 5:0 hesabı ilə qalib gəlməklə cavab oyununu formallığa çevirib.
Çempionlar Liqası
1/8 final, ilk oyunlar
20 fevral
23:45. "Çelsi" (İngiltərə) - "Barselona" (İspaniya) 1:1
Qollar: Vilyan, 62 - Lionel Messi, 74
23:45. "Bavariya" (Almaniya) - "Beşiktaş" (Türkiyə) 5:0
Qollar: Tomas Müller, 43, 66, Kinqsli Koman, 52, Robert Levandovski, 79, 88
Qırmızı vərəqə: Domaqoy Vida, 16 ("Beşiktaş")
| Paylaş: