Türkiyə klubu milli üzvünü göndərir
Paylaş:
Azərbaycan millisinin üzvü Deniz Yılmaz qış transfer pəncərəsi zamanı Türkiyənin “Bursaspor” klubundan göndəriləcək.
Bu barədə Türkiyə mətbuatı məlumat yayıb. Bildirilir ki, təcrübəli forvard komandada son günlərini yaşayır.
İndiyə qədər 2 dəfə “timsahlar”ın əsas komandasından kənarlaşdırılan 29 yaşlı hücumçunun yüksək miqdarda maaş alması da onun göndərilməsi ehtimallarını artırır. Futbolçu “Bursaspor”da ilinə 1 milyon 640 min lirə (təxminən 722 min manat) maaş alır. O, meydana çıxdığı hər oyun üçün isə 26764 lirə (11 min manat) qazanır. Dənizin Bursa təmsilçisi ilə müqaviləsinin müddəti 2019-cu ilə kimi nəzərdə tutulub.
Bu mövsüm cəmi 7 oyunda şans qazanan hücumçu, 2 qol, 1 məhsuldar ötürməyə imza atıb.
| Paylaş: