.png)
Millətlər Liqası: UEFA formatı təsdiqlədi
Paylaş:
UEFA Millətlər Liqasının keçirilməsiylə bağlı formatı təsdiqləyib.
Turnirdə quruma üzv 55 assosiasiyanın hamısı təmsil olunacaq. Yarış gələn il sentyabrında start götürəcək.
Bu il oktyabrın 11-də açıqlanacaq UEFA-nın yığmalar üçün reytinqinə görə komandalar A, B, C və D liqalarına bölünəcək. İlk iki liqada 12, C liqasında 15, D liqasında isə 16 komanda yer alacaq. A və B liqalarında 3 komandadan ibarət 4 qrup olacaq. C liqasında bir qrupda 3, üçündə 4 yığma mübarizə aparacaq. Sonuncu liqada 4 komandalı dörd qrup yaradılacaq.
Ev-səfər prinsipiylə keçiriləcək qrup oyunları 2018-ici ilin sentyabr-oktyabr aylarında təşkil olunacaq.
B, C və D liqalarında qrup qalibləri daha yüksək dəstəyə vəsiqə qazanacaqsa, A, B və C liqalarının qruplarında sonuncu olanlar aşağı diviziona yuvarlanacaq. İlk iki liqanın qrup qalibləri isə 2019-cu ildə mükafat uğrunda yarışacaqlar.
| Paylaş:
.png)
.jpg)