"Kopenhagen" Maksim Medvedevi UEFA-ya şikayət etdi
Paylaş:
"Kopenhagen" Çempionlar Liqasının pley-off mərhələsinin ilk oyunları çərçivəsində Bakıda "Qarabağ"la qarşılaşdığı görüşlə əlaqədar UEFA-ya şikayət edib.
Bu barədə Danimarka təmsilçisinin rəsmi saytı məlumat yayıb. Bildirilib ki, Ağdam klubunun kapitanı Maksim Medvedyev görüşün 20-ci dəqiqəsində top uğrunda mübarizə zamanı Pyer Benqtssonu qəsdən vurub.
Matçın baş hakimi isə həmin epizoda reaksiya verməyib. "Kopenhagen" iddia edir ki, həmin epizodda Medvedevə qırımızı vərəqə verilməli idi.
"Qarabağ" - "Kopenhagen" görüşü təmsilçimizin qələbəsiylə başa çatıb - 1:0. Cavab matçı avqustun 23-də keçiriləcək.
| Paylaş: