I Divizion klubları cərimələndi
Paylaş:
AFFA İntizam Komitəsinin bu gün keçirilən iclasında I Divizionun 7-ci turunda baş verən hadisələr barədə qərarlar qəbul edilib.
“Mil-Muğan” – “Şəmkir” matçında “Şəmkir” klubunun 5 futbolçusu sarı vərəqə ilə cəzalandığı üçün klub 80 manat cərimə olunub.
“Energetik” – “Şərurspor” matçında “Energetik” klubunun 4, “Şərurspor” klubunun 5 futbolçusu sarı vərəqə ilə cəzalandığı üçün hər iki klub 80 manat cərimə olunub.
Oyunun 50-ci dəqiqəsində “Energetik” klubunun futbolçusu Ruslan Həmidov kobud oyuna görə birbaşa qırmızı vərəqə alaraq meydançadan kənarlaşdırıldığı üçün 2 oyun cəzalanır, klub 160 manat cərimə olunub.
Oyunun 60-cı dəqiqəsində “Energetik” klubunun futbolçusu Vahid Rostami rəqibi bilərəkdən vurduğuna görə birbaşa qırmızı vərəqə alaraq meydançadan kənarlaşdırıldığı üçün 4 oyun cəzalanır, klub 320 manat cərimə olunub.
| Paylaş: