Roman Qriqorçukun gəlişindən sonra iddiasını artıran “Qəbələ” yayda heyətini gücləndirmək və növbəti mövsümdən çempionluq uğrunda mübarizə aparmaq niyyətindədi.

“FutbolPress” eksklüziv xəbər verir ki, “qırmızı-qaralar” mövsümün sonunda daha iki legioneri transfer edə bilər.

Bunlar konqolu hücumçu Junior Kabananqa və seneqallı müdafiəçi Pape Abdulayedi. 

Junior Kabananqa 1989-cu ilin aprelin 4-də Konqo Demokratik Respublikasının paytaxtı Kinşasada doğulub. Juniorun ilk klubu yerli “Etançeyte” olub. O, 2010-ci ilin yayında Belçika “Anderlext”inə transfer olunub. Yarım mövsüm keçirdiyi cəmi 5 oyunda cəmi bir qol vuran gənc futbolçu növbəti qışda icarə əsasında “Jerminal"a keçib. Lakin o özünü burda da yaxşı tərəfdən göstərə bilməyib – 3 oyun, 0 qol. 2011/12 mövsümündə də “Anderlext”in heyətində meydana çıxa bilməyən Junior 2012-ci ilin yayında “Roeslar”a transfer olunub və burda bir mövsümdə meydana çıxdığı 29 oyunda 5 qol vurub. 2013-cü ilin yayında isə afrikalı forvard “Brügge”yə keçib. İlk mövsümdə 34 oyuna 5 dəfə fərqlənən Kabananqa bu mövsüm meydana çıxmayıb. Hücumçu həm də Konqo millisinə çağırılıb və Afrika Millətlər Kubokunda iştirak edib.