Türkiyə Kuboku: "Qalatasaray" 4 qolla qalib gəldi
Paylaş:
Türkiyə Kubokunda 1/4 final mərhələyə start verilib.
İki oyundan ibarət mərhələnin ilk matş günündə bir qarşılaşma keçirilib.
"Qalatasaray" doğma publika önündə Azərbaycan millisinin sabiq hücumçusu Branimir Subaşiçin oynadığı "Manisaspor"u qəbul edib.
Görüş meydan sahiblərinin üstünlüyü ilə keçib. Artıq ilk hissədə qonaqları iki dəfə meydanın mərkəzinə dəvət edən Həmzə Həmzəoğlunun yetirmələri ikinci yarıda daha iki dəfə fərqlənərək demək olar ki, cütün taletini həll edib - 4:0.
Komandalar arasında cavab görüşü martın 8-də "Manisa 14 Mayıs" stadionunda olacaq.
Türkiyə Kuboku. 1/4 final. İlk oyunlar.
3 mart
"Qalatasaray" - "Manisaspor" 4:0
Qollar: Blerim Cemaili, 34 (1:0); Əmrə Çolak, 40 (2:0); Qoran Pandev, 68 (3:0); 88 (4:0)
Qırmızı vərəqə: Sərcan Türkeri, 39 ("Manisaspor")
| Paylaş: