"Qarabağ" UEFA reytinqində irəlilədi
Paylaş:
UEFA klubların növbəti reytinq siyahısını açıqlayıb.
454 komandanın yer aldığı siyahıda Azərbaycandan 7 klub yer alıb.
ALiin qrup mərhələsində səfərdə "Sent-Etyen"lə 1:1 bərabərə qalan “Qarabağ” reytinqdə 6 pillə irəliləyib. Ağdam təmsilçisi hazırda 10.450 xalla 158-ci yerdə qərarlaşıb.
“Neftçi” isə 4 pillə geriləyərək 8.950 xalla 179-cu olub.
Ümumilikdə avrukoboklarda son beş mövsümün (2010/11, 2011/12, 2012/13, 2013/14 və 2014/15) nəticələrinə əsasən hazırlanan siyahıda Azərbaycan komandalarının mövqeyi aşağıdakı kimidir:
158. “Qarabağ” (+6)
175. “Neftçi” (-4)
271. “İnter” (0)
298. “Xəzər Lənkəran” (+1)
338. “Bakı” (+3)
359. “Qəbələ” (+4)
362. AZAL (+3)
Reytinq cədvəlinə yenə də ÇL-in son qalibi “Real” Madrid başçılıq edir. “Barselona” ikinci, “Bavariya” isə üçüncü yerdədir.
Ölkələrin reytinqində isə Azərbaycanın mövqeyində dəyişiklik olmayıb. "Qarabağ"ın "Sent-Etyen"lə səfər heç-heçəsindən sonra 12.250 xalla reytinqdə 29-cudur.
| Paylaş: