Avropa çempionu: "Heç kim məni Azərbaycan millisinə dəvət eləməyib"
Paylaş:
"Heç kim məni Azərbaycan millisinə dəvət eləməyib".
Bunu Rusiya "Zenit"inin gənclərdən ibarət komandasının azərbaycanlı üzvü Ramil Şeydayev deyib.
Gənc hücumçu Azərbaycan millisinin ona biganə qaldığını söyləyib:
"Əvvəl məni U-17 və U-19-a dəvət eləmişdilər. Amma mən həmin vaxt artıq Rusiya millisində oynayırdım. Əsas komandaya isə heç vaxt çağırılmamışam".
1996-cı ildə Sankt-Peterburqda doğulan Ramil Şeydayev "Zenit"in yetirməsidir. 2013-cü ildə isə o, klubla peşəkar müqavilə imzalayıb. Forvard ötən həftə Rusiya Premyer Liqasının "Zenit" - "Mordoviya"ya matçında (5:0) əsas komandada debüt edib.
2013-cü ildə isə Ramil Rusiya U-17 millisi ilə Avropa Çempionu olub.
| Paylaş: