"Qəbələ"dən möhtəşəm "come-back" (YENİLƏNİB)
Paylaş:
Bu gün Topaz Premyer Liqasında IX tur başlayıb.
I dövrəsinin son turu Qəbələdə start götürüb.
3 gün davam edəcək turun açılış matçında şəhərin eyni adlı komandası “Sumqayıt”la qarşılaşıb. Son 3 turda qələbə qazana bilməyən hər iki klub bu görüşdə 3 xal üçün mübarizə aparıb.
“Gənclər şəhəri” təmsilçisi ilk hissənin son dəqiqələrində hesabda önə keçib. Amma ikinci hissənin sonları qonaqlar üçün yaxşı keçməyib. Meydan sahibləri oyunda dönüş edib və son 11 dəqiqədə 3 qol vuraraq üç xalı qazanıb.
Bu xallar "Qəbələ"ni müvəqqəti olaraq turnir cədvəlinin üçüncü pilləsinə yüksəldib.
Topaz Premyer Liqasında IX tura oktyabrın 26-da yekun vurulacaq.
Topaz Premyer Liqası. IX tur
24 oktyabr (cümə)
17:00. “Qəbələ” – “Sumqayıt” - 3:1
Qollar: Ramazan Abbasov, 41 (0:1), Cavid Hüseynov, 79 (1:1), Pavil Farkaş, 88 (2:1), Ekiqo Ehiosun, 90 (3:1)
Hakimlər: Vüsal Əliyev, Munis Abdullayev, Rəvan Həmzəzadə, Ömər Paşayev
Qəbələ şəhər stadionu
Turnir cədvəli
Bombarirlər:
Mikel Alvaro (“İnter”) - 5 qol
Məhəmməd Qurbanov (“Sumqayıt”) - 4 qol
Cavid Hüseynov ("Qəbələ") - 4 qol
Vüqar Nadirov ("Qarabağ") - 3 qol
Baçana Sxadadze ("İnter") - 3 qol
Rəşad Eyyubov ("Simurq") - 3 qol
David Janelidze ("Araz Naxçıvan") - 3 qol
Nurlan Novruzov ("Bakı") - 3 qol
| Paylaş: