FIFA reytinqi: Azәrbaycan millisi 31 pillә gerilәdi
Paylaş:
FIFA milli komandaların yeni reytinq cədvəlini açıqlayıb.
Yeni reytinqdə Azərbaycan millisi 31 pillə geriləyib.
AVRO-2016-nın seçmə mərhələsində İtaliyaya 2:1, Xorvatiyaya isə 6:0 hesabı ilə uduzan komanda 126-cı pillədə qərarlaşıb.
Yığmanın AVRO-2016-dakı rəqiblərindәn ən yaxşı göstərici yenə də İtaliyaya məxsusdur. "Skuadro Adzuro" iki pillə irəliləyərək 11-ci yerə yüksəlib.
Digər rəqib Xorvatiya isə 5 pillə irəliləyərək 14-cü olub. Norveç (+8) 68-ci, Bolqarıstan (-13) 59-cu və Malta isə (-1) 156-cı pillədə qərarlaşıb.
Siyahıya DÇ-2014-ün qalibi Almaniya millisi başçılıq edir. Mundialın gümüş mükafatçısı Argentina yığması ikinci, Kolumbiya isə üçüncü olub.
| Paylaş: